महको ३१ बर्षे यात्रा पूरा

काठमाडौं मदनकृष्ण श्रेष्ठको म र हरिवंश आचार्यको ह अर्थात मह, ३१ वर्ष पहिले उनीहरु मदनकृष्ण र हरिवंशबाट महमा परिणत भएका थिए। कला क्षेत्रमा बादशाह मानिने मह जोडीले मंगलबार ३१ औँ वर्ष पुरा गरेका छन्। मदनकृष्ण श्रेष्ठका अनुसार ,फरक–फरक क्षेत्र र उमेर समूहका भएपनि सँगै ३१ वर्षे यात्रा राम्रोसँग काटेको बताउँछन्।
३१ वर्षको यात्रा पूरा गरेपनि सम्बन्धमा कहिलेकाही उतार चढाव आएको र जातीयताको कुनै गन्ध नआएको बताउँछन्। बुझाइमा कुरा नमिले पनि दुवैले राम्रो गर्न खोजेको भन्दै काममा कम्प्रोमाइज गर्ने बताए। महको सम्बन्धले ३१ वर्ष पुरा गरेकोमा मह जोडीले माओवादी नेता बाबुराम भट्टराईसँग भेट गरेको बताए।
आफ्नो र हरिवंशको सम्बन्ध सम्झौताले प्रगाढ भए जस्तै राजनीतिक दललाई समेत सम्झौता गर्न लगाई चाँडो भन्दा चाँडो संविधान निर्माण गर्न प्रोत्साहन गरे। उनका अनुसार राजनीतिक सहमति खोज्नुभन्दा पहिले आफैँमा सम्झौता गरे पार्टी पार्टीबीच सम्बन्ध राम्रो हुने बताए। आफुबीच राम्रो इमान्दारीता भए झै दलमा पनि त्यस्तै भइदिए राम्रो हुने उनले बताए। मह जोडीको बाबुरामसँगको भेटमा १ मेको प्रदर्शनमा कुनै हिंसा नहुने बताएका छन्। मह जाडीले विभिन्न जनचेतनाफैलाउने नाटक, टेलीश्रृङ्खला बनाई जनतामा चेतना फैलाउने काम गरेका छन्।