सुमार्गीको घरमा प्रचण्डको खाना

मकवानपुर । एकीकृत नेकपा माओवादीका अध्यक्ष पुष्पकमल दाहाल 'प्रचण्ड' कात्तिक २२ गते दिउँसोे नवउद्योगपति अजय सुमार्गीको हेटौंडास्थित घरमा खाना खाएर काठमाडौं फर्किएका छन्। एकीकृत नेकपा माओवादी मधेशी राष्ट्रिय मुक्ति मोर्चा क्रान्तिकारीको वीरगञ्ज सम्मेलनको कार्यक्रम सकेर राजधानी फर्कने क्रममा अध्यक्ष प्रचण्ड करिब दुई घण्टा सुमार्गीको हेटौंडा–४ मा रहेको सुमार्गी कम्प्लेक्समा बसेका थिए। प्रचण्डको टोलीका लागि उद्योगपति सुमार्गीले खानाको व्यवस्था गरेका थिए। स्थानीय तहमा कसैलाई पनि जानकारी नदिई प्रचण्ड सुमार्गीको घरमा खाना खान पसेका थिए। प्रचण्डसँग सीपी गजुरेल 'गौरव' समेत रहेका थिए। अध्यक्ष प्रचण्ड निजी सुरक्षासहित करिब १२ बजेतिर त्यहाँ पुगेका थिए। अर्को गाडीमा आएका उपाध्यक्ष नारायणकाजी श्रेष्ठ 'प्रकाश' भने सुमार्गीकहाँ नपसी सीधै चितवनतर्फ लागेका थिए। प्रचण्ड आइपुगेको थाहा पाएपछि सुमार्गी कम्प्लेक्समा आइपुगेका कार्यकर्ताहरूमध्ये थोरैलाई मात्र भुइँतल्लामा प्रवेश दिइएको थियो भने अन्यलाई प्रवेश निषेध गरिएको थियो। मकवानपुरका सभासद्हरू दिलबहादुर घिसिङ, प्रेमबहादुर पुलामी, वाईसीएल जिल्ला अध्यक्षलगायतका व्यक्तिले अध्यक्ष प्रचण्डलाई भेट्न पाए पनि अन्य कार्यकर्ताहरूले भने नरमाइलो मानेका थिए।

मन्त्राणीको राइँदाइँ

काठमाडौं। मन्त्रालयमा मन्त्रीको भन्दा पनि मन्त्राणीहरूको हैकम बढी हुन थालेको चर्चा कर्मचारीहरूले गर्न थालेका छन्। स्रोतका अनुसार विशेषगरी नेपाली कंाग्रेसका दुई मन्त्री बालकृष्ण खाँड र डा. प्रकाशशरण महतको मन्त्रालयमा मन्त्राणी हावी हुन थालेका छन्। सिँचाइमन्त्री बालकृष्ण खाँडकी श्रीमती मञ्जु खाँडले हालसालै सिँचाइ विभागका तीन दर्जनभन्दा बढी इन्जिनियर र ओभरसियरको सरुवामा मोटो कमिसन लिएको चर्चा विभाग परिसरमा हुने गरेको छ। माओवादी नेतृत्वको सरकारले बढीभन्दा बढी जनतालाई रोजगारी दिने र बढ्दो नदी कटान नियन्त्रण गर्ने उद्देश्यले ल्याएको जनताको तटबन्ध कार्यक्रमका सातवटा फिल्ड कार्यालयका लागि काजमा सरुवा गर्ने क्रममा मन्त्राणी खाँडले निकै ठूलो मोलमोलाइ गरेको स्रोतले जनाएको छ। आस्थाका आधारमा वामपन्थी निकट भएकाहरूलाई भेदभाव गरी अवसरवादी, भ्रष्ट र कांग्रेसको खोल ओढेकाहरूले मात्र मौका पाएका छन्। मन्त्राणी खाँड र मन्त्री महतका स्वकीय सचिव जन्मजय तिमिल्सिनाको योजनामा शुभलाभकै आधारमा सीडीई, इन्जिनियर र ओभरसियर खटाइएको स्रोतले जनाएको छ। जनताको तटबन्ध कार्यक्रमको फिल्ड कार्यालय झापामा सूर्यदेव थापा, चितवनमा प्रदीप थापा, दाङमा मोहन संग्रौला, बुटवलमा श्यामबहादुर कार्कीलगायतका सीडीईलाई खटाइएको छ। मन्त्राणी खाँड हरबखत गाडी लिएर होटलहरूमा भ्रष्ट सीडीईहरूसँग मोलमोलाइ गर्न व्यस्त रहने गरेको स्रोतले साँघुलाई बतायो। सीडीई खटाउँदा कसले बढी शुभलाभ टक्र्याउँछ, मन्त्राणी खाँडले उसैलाई प्राथमिकतामा पारेको चर्चा छ। भ्रष्टाचारमा बदनाम सीडीई र इन्जिनियरहरूले नै मन्त्राणीलाई खुसी पारेकाले जाने मौका पाएका छन्।
त्यस्तै, ऊर्जामन्त्री प्रकाशशरण महतकी पत्नी विना महतले पनि विद्युत् प्राधिकरणका नियुक्ति, सरुवा–बढुवा र ठेक्कापट्टामा निकै चासो दिने गरेको चर्चा छ। मन्त्राणी महतको हस्तक्षेपका कारण दशैंको मुखमा तीन तहको क्लर्कको परीक्षाफल प्रकाशित गर्ने क्रममा लाखौं पैसा खाएर पार्टीका कार्यकर्ताको नाम ननिकालेको आरोप मन्त्री डा. महतमाथि लाग्ने गरेको छ। मन्त्रीपत्नी विना महतको हस्तक्षेपका कारण प्राधिकरणका कार्यकारी निर्देशक जीवेन्द्र झासमेत निकै तनावमा परेको गुनासो आफ्ना निकटस्थहरूसँग गर्न थालेका छन्। मन्त्रीपत्नी महत र मन्त्रीका स्वकीय सचिव प्रबल अधिकारी पाँचतारे होटलमा बसेर प्राधिकरणका हाकिमहरूलाई बोलाएर दबाब दिने गरेको गुनासो पनि केही हाकिमहरूले गर्न थालिसकेका छन्।
यसैबीच मन्त्रीपत्नीकै दबाबमा गिरी थरका एक पत्रकारलाई डकुमेन्ट्री बनाउने बहानामा चमेलियागार्ड आयोजनाबाट चार लाख भुक्तानी दिइएको छ। निर्माणाधीन उक्त आयोजनाका प्रमुख केशवराज भट्टले मन्त्राणीको आदेशमा डकुमेन्ट्री बनाउन ती पत्रकारलाई चार लाख रुपैयाँ उपलब्ध गराएका हुन्। दार्चुलामा निर्माण हुने उक्त परियोजनाका प्रमुख भट्टले पनि आफ्नो पद बचाउन उक्त डकुमेन्ट्रीको भुक्तानी दिन बाध्य भएको बताउने गरेका छन्। कांग्रेसको महासमिति बैठकको अन्तिम दिन २०६६ कात्तिक १८ गते अर्घाखाँचीका एक महासमिति सदस्यले ऊर्जामन्त्री डा. महतले विद्युत् प्राधिकरणमा व्यापक भ्रष्टाचार गरेकाले उनलाई तत्काल कारबाही गर्नु पर्ने माग गरेका थिए। महासमितिको बैठकमा मन्त्री मध्ये सबैभन्दा बढी आलोचना डा. महत र खाँडकै भएको थियो। उनीहरूले पार्टीका कार्यकर्ताको काम नगरी पैसा खाएर नियुक्ति र सरुवा–बढुवा गरेको आरोप अधिकांश कार्यकर्ताले लगाएका थिए।
गाडी दुरुपयोग
यसैबीच, ऊर्जामन्त्री डा. महतले प्राधिकरण र मध्यमर्स्याङ्दी आयोजनाका गरी सातवटा भन्दा बढी गाडी दुरुपयोग गरेका छन्। मन्त्री महतले प्राधिकरणबाट बा३च ४०५२, बा६च १०२६, बा३च ४०५३ र बा३च२५१८ नम्बरका गाडी दुरुपयोग गर्दैआएका छन्। मन्त्रालयले मध्यमर्स्याङ्दी आयोजनाबाट पनि २०६६ असोज ६ गते बा५च३५५५, बा६च ६७४०, बा२च २९२५ नम्बरका गाडी लिएका छन्। ती गाडी कसले प्रयोग गरेका छन् भन्ने कुरा प्राधिकरण र ऊर्जा मन्त्रालयले स्पष्ट जवाफ दिन सकेका छैनन्। मध्यमर्स्याङ्दीका गाडीले त अझ दुवैतिरबाट इन्धन सुविधा लिने गरेको स्रोतले जनाएको छ।

लैला–मजनुको मन्त्री बन्ने धुन!

काठमाडौं। माधवकुमार नेपाल नेतृत्वको सरकारमा सहभागिताको विषयलाई लिएर यसअघि दुई फ्याक भइसकेको मधेशी जनअधिकार फोरम पुनः फुट्ने भएको छ। सरकारमा जाने विषयलाई नै लिएर फोरम फुट्न लागेको हो। यसअघि विजय गच्छदारको नेतृत्वमा फोरम फुटेको थियो भने अब जयप्रकाश गुप्ताले फोरम फुटाउने सम्भावना बढेको छ। उपेन्द्र यादवले उपप्रधानमन्त्री पाएर सरकारमा गएमा फोरम फुट्ने निश्चित रहेको एक नेताले बताए। यसअघि पनि विजय गच्छदारले उपप्रधानमन्त्री पाएर सरकारमा गएपछि फोरम फुटेको थियो। जेपी गुप्ता समूहले सरकारमा जानैपर्ने दक्षिणतिरको दबाब धान्न नसकिएमा दोस्रो तहका नेताहरूलाई सरकारमा पठाउनुपर्ने प्रस्ताव राखेको छ। तर, उपेन्द्र र रेणु यादवहरूको समूह उपेन्द्रकै नेतृत्वमा जाने पक्षमा उभिएको छ। नौ महिना सरकारमा रहँदा आकर्षक शुभलाभ हातपारेका उपेन्द्र–रेणु जोडीले पैसाकै लागि सरकारमा जान जोडबल गरेको तर्क पनि कतिपय फोरम नेताहरूको छ। 'मधेशको राजनीति नै पैसाले चल्छ, कुनै पनि मधेशी नेता सरकारमा नगई लामो समयसम्म सडकमा बस्नै सक्दैनन्,' एक मधेशी नेताले भने। वर्तमान सरकारमा विजयकुमार गच्छदारभन्दा वरिष्ठता पाए सामेल हुन आतुर भइसकेका उपेन्द्र यादवलाई दक्षिण छिमेकीले पनि पटक–पटक सरकारमा जान दबाब दिइरहेको छ। आफ्नाविरुद्ध जेपी गुप्ताले नै खेल खेल्न थालेपछि सशंकित भएका यादवले आफूले भनेजस्तो नभएमा रेणु यादवलाई सरकारको नेतृत्व गरेर पठाउने धम्की दिएका छन्। फोरमभित्र लैला–मजनुको जोडीका रुपमा चर्चित उपेन्द्र र रेणुको सम्बन्ध यति गहिरो भइसकेको छ कि उपेन्द्रकी पत्नीले छाडेर माइती जाँदासमेत उनले रेणुसँगको उठबस नछाडेको फोरम नेताहरू गुनासो गर्छन्। जेपी गुप्ताले सरकारको नेतृत्व गरेर जाने षडयन्त्र गर्न थालेपछि उपेन्द्रले आफ्नी अन्तरंग महिला रेणुलाई सरकारको नेतृत्व गरेर पठाउन लागेका हुन्। यद्यपि, गच्छदारभन्दा माथिल्लो वरीयतामा उपप्रधानमन्त्री बन्ने उनको प्रयास भने दिल्लीमा पनि जारी थियो। उपेन्द्रले आफू जान नपाएमा रेणु यादव, बीपी यादव र रत्नेश्वरलाल कायस्थलाई मन्त्रिपरिषद्मा पठाउने तयारी गरेको बताइएको छ।

धनाढ्यको पंक्तिमा तीन कमरेड

काठमाडौं। नेकपा (माओवादी) का चारजना नेताहरू धनाढ्यको सूचीमा समावेश भएका छन्। पार्टीले आर्थिक गठन गरेको आर्थिक छानबिन समितिमा परेको उजुरीको आधारमा माओवादीमा चारजना नेता धनाढ्य कहलिएका हुन्। त्यसरी धनाढ्य सूचीमा समावेश हुने नेताहरूमा जनार्दन शर्मा 'प्रभाकर', दीनानाथ शर्मा, वर्षमान पुन 'अनन्त' रहेको कुरा माओवादी सूत्र बताउछ । जनार्दन शर्माको आर्जन अपारदर्शी रहेको, जनमैत्री अस्पतालमा चार करोड रुपैयाँको शेयर हालेको, मुनलाइट टेलिभिजन, नेपाल एफएममा लाखौं रुपैयाँ लगानी गरेको पार्टीले गठन गरेको छानबिन समितिमा उजुरी परेको बताइन्छ। सो लगानीको स्रोत छानबिन हुनुपर्ने माग उजुरी गर्नेकर्ताहरूले गरेका छन्। उता, अनन्त (वर्षमान पुन) ले पनि हालै ललितपुरमा घर खरिद गरेको पार्टीमा उजुरी परेको सूत्र बताउछ। उक्त घर आफन्तको भनी नेता अनन्तले बताए तापनि अहिलेसम्म घरको मूली फेला नपरेको कारणले गर्दा उक्त घर अनन्तले नै खरिद गरेको उजुरी पार्टीमा परेको छ। उता, माओवादीका प्रवक्ता दीनानाथ शर्माले आर्जन गरेको रकम आफ्नो ज्वाइँ शुभशंकर कँडेलका नाममा एबीसी टेलिभिजनमा लगानी गरेको उजुरी पार्टीमा परेको कुरा माओवादी सूत्र बताउछ ।

त्यसो त, धेरैजसो माओवादी शीर्ष नेताहरूको विरुद्ध अवैधानिक रुपमा सम्पत्ति आर्जन गर्ने भनी उजुरी परेको छ। पार्टी निकट स्रोतका अनुसार माओवादीका अध्यक्ष प्रचण्ड, वरिष्ठ उपाध्यक्ष मोहन वैद्य, उपाध्यक्ष डा. बाबुराम भट्टराई र सीपी गजुरेलको विरुद्ध मात्र कुनै उजुरी परेको छैन। पार्टीमा परेको उजुरीको बारेमा निष्पक्ष रुपमा छानबिन हुनुपर्ने माग जोडदार रुपमा उठेको छ। पार्टीको शीर्ष नेताहरूले गरेको आर्थिक अराजकताको अन्त्य गर्न नसकेमा सिंगो पार्टी नै आर्थिक अराजकताको खाडलमा जाकिने आवाज कार्यकर्ता पंक्तिबाट उठेको छ। पार्टीका नेताहरूको विरोधमा परेको उजुरी छानबिन हुने/नहुने भन्नेबारेमा यकिन हुन भने अहिलेसम्म सकेको छैन।

गुरुकुलको लोभलाग्दो थकाइ

विराटनगर- आरोहरण गुरुकुलको सुशीला कोइराला नाटकघरमा यहाँलाई स्वागत छ 'यो साधना गर्ने थलो हो 'यसका केही नियम छन् 'केही नखाइदिनु होला 'मोबाइलको स्विच बन्द गरेर यान्त्रिक आतंक बन्द गरिदिनु होला ...।' नाटक सुरु हुनुअघि आयोजकका तर्फबाट यो आग्रह प्रसारित भयो। ए 'यो त काठमाडौंको सम नाटकघर वा रिमाल नाटकघर त होइन रहेछ। तर, सबै परम्परा उस्तै। यसमा पस्किइने नाटकको स्वाद उस्तै। उस्तै गुणस्तरयुक्त र आफ्नोपनको अनुभूति हुने। गुरुकुलको यो आफ्नोपनले निकै छिटो यहाँ सबैको मन जित्न थालेको छ। स्थानीय साहित्यकारदेखि प्रहरीसम्म, राजनीतिकर्मीदेखि मजदुरसम्मले यो नाटकघरलाई यस क्षेत्रको एउटा अनुपम नमूनाका रूपमा आत्मसात् गर्न थालेका छन्।

नाटकको सशक्त प्रभावको असर बिहीबार बिहान जिल्ला प्रहरी कार्यालयमा देखियो। प्रायः झैझगडा र मुद्दामामिलाले व्यस्त हुने मोरंगको जिल्ला प्रहरी कार्यालयको छतमा एक हुल रंगकर्मी भेला भएका छन्। उनीहरू कुनै मुद्दामामिला लिएर होइन जिल्ला प्रहरी प्रमुखको चियापानको निमन्त्रणा मान्न त्यहाँ पुगेका हुन्। रंगकर्मीहरूलाई स्वागत गर्दै प्रहरी प्रमुख देवेन्द्र सुवेदी भन्छन्, 'समाज परिवर्तन गराउन तपाईंहरूको ठूलो भूमिका छ।' यी प्रहरी अधिकृतले एक महिनादेखि चलिरहेको नाटक महोत्सवमा आउनेहरूको भीडले आश्चर्यचकित भएका रहेछन्। उनी आफैंले केही नाटक हेरे। त्योभन्दा बढ्ता जिल्ला प्रहरी कार्यालयअन्तर्गत आएका धेरै प्रहरीले यो मौका छुटाएनन्। उनी अन्तिम तीन दिन समापन नाटकका रूपमा मंचित 'न्यायप्रेमी' हेर्न चाहन्थे। तर, आन्दोलनका कार्यक्रमले सम्भव भएन। 'केही बेर भए पनि तपाईंहरूसँग बसेर मनलाई आराम दिऔं भन्ने चाहेको हुँ,' सुवेदीले भने, 'यसलाई यहाँहरूले राज्यका तर्फबाट गरिएको सम्मानका रूपमा बुझिदिनु होला। हामी सदैव तपाईंहरूको पछाडि छ।'

सुवेदीले मायाको चिनोका रूपमा गुरुकुलका प्रमुख सुनील पोखरेल र निशा शर्मालाईलाई करुवा उपहार दिए। जवाफमा उनीहरूले प्रहरीलाई पुष्पगुच्छा। न्यायप्रेमीका सबैजसो कलाकार सञ्जीव उप्रेती, दिलभूषण पाठक, विष्णुभक्त फुँयाल, प्रवीण खतिवडा, बसन्त भट्ट, सरिता गिरी, सौगात मल्ल, सुरेश चन्द, रामहरि ढकाल लगायत अन्य नाटकका कलाकारको समेत उपस्थिति थियो। सहरमा एउटा नयाँ परिचय थपिएको छ- गुरुकुल। काठमाडौंमा डेराको समस्याले अल्भि्करहेको गुरुकुलको हाटखोलामा आफ्नै रंगमञ्चसहितको संरचना छ। चारैतिर मन्त्र लेखिएका लुङ्दर र तोरण झुण्डिएका छन्। नयाँ रंगमञ्च हातामा बिरुवा रोपिँदै छन्। एक महिनादेखि यहाँ नाटकको प्रदर्शन हरेक दिन (कहिले दुई सोसमेत) भइरहेको छ। यसबीच यसले 'अग्निको कथा', 'जात सोध्नु जोगीको', 'पुतलीको घर', 'राबाजी लैलै...', .'मायादेवीको सपना', 'छुताहा घैल (मैथिली)', 'डा. कनक' प्रदर्शन गरेको छ। नाटक हेर्ने कामसँगै यहाँका साहित्यकारदेखि राजनीतिकर्मीसम्मलाई भेटघाट गर्ने थलोका रूपमा स्थापित हुन थालेको छ।

यो नाटक घर यहाँको एउटा नयाँ गन्व्यका रूपमा स्थापित भएको छ। देशभित्रका मात्र होइन नाटकप्रेमी विदेशीसमेत एकपटक यहाँ आएर हेर्न थालेको देखियो। झण्डै १२ कठ्ठा जग्गामा फैलिएको यो संरचना निर्माणाधीन छ। र, बनिसकेका संरचनामा पहाड र मधेसको संगमजस्तो बनेको छ। राजधानी काठमाडौंबाट समेत यो मौका नछुटोस् भनेर यसबीच धेरैजना आइसकेका छन्। बिहीबार नेपाल पत्रकार महासंघका अध्यक्ष धर्मेन्द्र झा आइपुगेका थिए भने शुक्रबार काठमाडौं महानगरपालिका पूर्व नगरपिता केशव स्थापित। एकैछिनपछि पूर्वाञ्चल डिआइजी भीष्म प्रसाई आइपुगेका थिए। शान्ति सुरक्षा स्थितिका कारण नाटक हेर्न नभ्याए पनि यहाँको आनन्द अनुभूत गर्न चाहन्थे। गुरुकुलको नाटक महोत्सवको सफलता पहिल्यै दिनबाट सुरु भएको छ। हरेक दिन नाटक हेर्नेहरूको ठूलो भीड छ। दुई सय २० सिट क्षमताको सुशीला कोइराला नाटकघरमा बस्ने ठाउँ नपुगेर अहिल्यैदेखि भुइँमा गलैंचा ओछ्याउनुपर्ने अवस्था आएको छ। 'न्यायप्रेमी' जस्तो गम्भीर नाटक प्रदर्शन भइरहेको बेला समेत 'पिनड्रप साइलेन्स' अनुभव भएको थियो। यसले यस क्षेत्रमा रहेको रिक्तता कम गरेको बताउने धेरै छन्। 'विराटनगर पहिलेदेखि नै साहित्य, संगीतको थलो हो, गुरुकुलले अर्को एउटा केन्द्र थपियो,' नाटक हेर्न बिहीबार आइपुगेका कथाकार परशु प्रधानले भने।

महिना लामो महोत्सवको थकाइबीच गुरुकुलका प्रमुख सुनील पोखरेल साँझ आँगनमा बिरुवा रोप्न निर्देशन दिइरहेका थिए। 'अलि ठूलो घेरा बनाउनुपर्छ,' उनी निर्देश गर्दै थिए, 'हिँड्ने मानिसले यसका पात छुन नपाउन्।'
राजधानीबाहिर गुरुकुलको शाखा खुलेर यहाँसम्म ल्याइपुर्‍याउँदा सुनील थाकेका छैनन्? 'एक महिना बितेको पत्तै भएन,' उनी भन्छन्, 'कल्पना गरेकोभन्दा धेरै राम्रो भयो।' किनभने यस्तो माहोल आउन काठमाडौंमै केही वर्ष लागेको थियो। उनलाई लागेको थियो, अहिलेलाई कम्तिमा पाँच-सात जनामात्र आए पनि धन्य हो। यो सफलताले प्रत्येक वर्ष चैतमा यहाँ काठमाडौंमा देखाइएका राम्रा नाटकको महोत्सव गर्ने योजना बनाउन उनलाई प्रेरित गरेको छ। र, यहाँको नाटक घरले पनि वर्षभरि नाटकको मञ्चन, कविता वाचन र सांगीतिक कार्यक्रमका निम्ति मञ्च उपलब्ध गराइरहने भएको छ। 'थकाइ त लागेको छ, तर यो मजाको थकाइ हो', खुसी हुँदै पोखरेलले भने।

अभिषेकलाई दीपिका

मुम्बई, कात्तिक २४ (एजेन्सी)- आशुतोष गोवारिकरले अभिषेक बच्चनलाई हिरो लिएर बनाउन लागेको फिल्म पछिल्लो महिनाभर हिरोइनका कारण चर्चामा रह्यो। पुरानो समयलाई पर्दामा उतार्ने भनिएको फिल्म ‘खेलें हम जि जान से'लाई अहिलेसम्म तीन हिरोइनले अस्विकार गरेका छन्। सबभन्दा पहिले फिल्ममा ऐश्वर्या रायलाई लिने भनिए पनि उनले समयको समस्या देखाएर फिल्म खेलिनन्। त्यसपछि आसिनलाई हिरोइन लिएर सुटिङको तयारी गरिरहेका बेला उनले पनि अन्तिम समयमा आएर खेल्न मानिनन्। जनाइएअनुसार अस्विकार गर्ने हिरोइनको भीडमा अहिले अर्को नाम पनि थपिएको छ सोनम कपुर। जम्माजम्मी दुई फ्लप फिल्ममा अभिनय गरेकी अनिल कपुरकी छोरी सोनमले पनि अस्विकार गरेपछि अन्नतः आशुतोषले दीपिका पादुकोणलाई फिल्ममा लिएका छन्। यसअघि सोनम र अभिषेकले राकेश मेहराको फिल्म ‘दिल्ली सिक्स'मा अभिनय गरेका थि । र यो फिल्म फ्लप भएको थियो। दीपिका आएपछि यसै साता फिल्मको सुटिङ सुरु भएको छ।

राज्यमन्त्री बेगमद्वारा पुरानो गाडी दिएको भन्दै प्रजिअ माथी हातपात

विरग्रज, कात्तिक २४। कृषी तथा सहकारी राज्यमन्त्री करिमा बेगमद्वारा पर्साका प्रमुख जिल्ला अधिकारी दुर्गाराज भण्डारीमाथी पुरानो गाडी दिएको भन्दै हात पात गरेकी छिन्। गृह जिल्ला पुगेकी बेगमलाई कार्यकर्ताहरु समेत अट्ने ठूलो र राम्रो गाडी नदिएको भन्दै फोहरी गाली गर्दै कुटपीटमा उत्रिएकी हुन्। बिहारीशैलीमा आक्रमण गरेको कर्मचारीहरुले आरोप लगाएका छन्। कर्मचारीहरुले मन्त्री बेगमको कुटपिटको विरोधमा जिल्ला प्रशासन कार्यालयमा कामकाज ठप्प पारेका छन्। कर्मचारीका अनुसार जिल्लामा रहेको देशकै ठूलो मध्येको भन्सार नाकाबाट पैसा असुल्नका लागि रहेक दिन जसो दुई तीनजना मन्त्रीहरु जिल्लामा आइरहने हुँदा मोटर, खाना आदिको व्यवस्थामा नै प्रजिअको समय जाने गरेको छ भने मोटर पनि एक अर्कोलाई दिदाँदिदै सरसफाइ गर्नेसमेत गर्न नपाइने गरेको छ।

Autonomous Kirat state declared

KHOTANG, NOV 09 - Turning down its central leadership’s decision to withdraw the declaration of autonomous states—a part of the UCPN (Maoist) protest programme—the Maoist-affiliated Kirat State Committee (KSC) declared the Kirat Autonomous State amid a function at Khotang district headquarters Diktel on Monday. Maoist politburo member and the KSC in-charge, Gopal Kirati, declared six eastern hill districts—Khotang, Bhojpur, Okhaldhunga, Solukhumbu, Sankhuwasabha and Udayapur—as Kirat Autonomous State. Speaking at the function, Kirati said the autonomous state was declared on the basis of ethnicity, language and culture of the people living in the region.

Stating that the autonomous state was only for those who struggled for communal harmony and equality, Kirati warned that the door of Kirat Autonomous State would always remain closed to Indian expansionists, feudals and capita-lists. The KSC, however, did not announce the names of its office bearers. “We declared it as a symbolic protest. We will soon appoint office bearers,” he added. He said KSC was searching for a state capital though the state was declared from Khotang. According to him, Pandhare of Bhojpur was a potential capital.

Kirati further claimed they had declared the autonomous state with the consent of party Chairman Pushpa Kamal Dahal. “I talked to him over the phone. He asked us to declare the state even if the scheduled protest programme had been withdrawn,” he said. Maoist lawmakers, leaders and party activists from these six districts gathered the programme. They took out a protest rally that moved around the town before converging into a mass meeting to declare the state.

Work on Ktm-Nijgad fast track rolls on

HETAUDA, NOV 09 - Deputy Prime Minister Bijay Gachhadar and other Cabinet ministers inaugurated the Kathmandu-Nijgad fast track amid a function at Budune of Makwanpurgadi

VDC-1 in Makwanpur district on Monday.

The 76 km track will link Khokana of Lalitpur with Nijgad of Bara. The government has assigned Nepal Army (NA) with the job of opening the track and the project is expected to complete in two years. The government has already allocated Rs. 250 million for the project. “This track will prove to be the backbone of the nation’s development. It will change the face of Nepal’s eco-nomy,” claimed the deputy prime minister after laying the foundation. Chief of Army Staff Chattraman Gurung said the NA will complete the project within the announced deadline if the government ensures that the undertaking does not face budgetary or bureaucratic hiccups. He informed that more than 1,000 NA personnel will be mobilised to open the track.

Once the track is opened, the government plans to construct a four-lane highway with 120 bridges and one kilometre long tunnel at Thigan of Makwanpur district. The entire project is estimated to cost Rs. 56 billion. Once the project is completed, travel from Kathmandu to Nijgad is expected to take only an hour. Prime Minister Madhav Kumar Nepal was scheduled to inaugurate the fast track, but he could not make it as he was taken ill. The inauguration took place amid tight security as UCPN (Maoist) activists had gathered near the programme venue to protest against the government. The Maoists shouted slogans against the prime minister and the president from a distance as security personnel had surrounded the programme venue.

Maoists blockade entry points

KATHMANDU: Maoists leaders and cadres blocked entry and exit routes to Kathmandu as part of their two day protest programme. Vehicles since early morning have been stranded at Thankot, Sanga and Balaju bypass. The Maoist cadres are chanting slogans against President Dr Ram Baran Yadav and the government. According to reports the Maoist cadres have also stopped vehicles coming from Chitwan and Pokhara at Mugling. Vehicular traffic has also come to a halt on Arniko and Pasang Lamu highway. Maoists also plan to gherao Singha Durbar as part of their protest programme. Yesterday the party had clarified in a press statement that they had not imposed a strike. Educational and commercial establishments are open as usual. Traffic inside Kathmandu was normal in the early hours of the morning with no blockade reported.

Girija Prasad Koirala admitted to hospital

KATHMANDU: Nepali Congress (NC) president and former Prime Minister Girija Prasad Koirala was admitted to the Gangalal Heart Disease Centre in Bansbari, Kathmandu for treatment on Tuesday morning. According to senior NC leader Sher Bahadur Deuba, Koirala would not be taken to Singapore for now and the decision would be taken after check up by doctors in Kathmandu. Earlier, Koirala was being treated at his residence in Maharajgunj. Koirala was scheduled to leave for Singapore for treatment on Wednesday.